关于以前遇到的灵异事件

热度 46

分享到:   分享到QQ空间
已有 3301 次阅读 2018-7-9 11:46 |系统分类:分享

嬲!要发表个阵居然出错,全部冇晒,坑爹!!!
今日同我妹倾翻以前遇到d解释唔到噶嘢,可能有D长,有D乱。
有一段时间估计我真系好黑仔~事件1,个阵大概高二吧,有一日早上冇返学,应该7点几8点,起房度训觉,半梦半醒之中见到地下有个平躺嘅男性黑影浮高,然后慢慢企直,好清楚咁见到佢行过来我床脚,然后蚊帐好似电影咁两边飞开,佢直直压落来,重点系,面贴面!而且可以感觉到凉凉地..压佐一阵之后就得郁了,冇下文~
事件2!都系尼段时间,有一晚我起我男朋友大佬房间门口度玩仓鼠,蹲低嘅,然后就依照我蹲住嘅高度可以睇到我身边行过一个着白色西装裤,白色皮鞋嘅人行过入佐我男朋友房,然后我当时仲同我男朋友唔知讲乜,发现冇人应我,我放翻仓鼠入笼然后入房睇,空无一人..先醒起我男朋友起厕所冲凉,而且佢根本冇白色裤白色鞋,而且好彩当时冇抬头望上去..如果唔系...
事件3!我男朋友又系去佐冲凉,我在佢房玩电脑,冇关房门,大概9点几10点吧,我见到房门飘了一团白色雾状嘅也入来,就起电脑屏幕旁边飘了几秒吧,然后就消失了,等我男朋友冲凉上来之后我就话翻屋企,我唔敢同佢讲见到咩,第二日我先同佢讲话寻晚见到团雾,佢先话,我翻去之后佢又玩电脑,大概12点咁,都见到团嘢飘入来,飘佐一阵就唔见了..两个人都遇到了。
事件4!我小学个阵都会自己斟水去返学嘅,有日我饮唔晒带翻大半支翻屋企,放起台度,唔系放边边噶,支水起码距离张台边缘有大半只手掌咁远吧,个晚一家四口起度睇电视,一个纪录片,关于系一个唔知道咩沙漠度有人神秘失踪个d情节,突然支水就起无风嘅状态下自己跌落地了。
尼几个都系比较具体的,其实还有其他几件小事,比如鬼压床隔离好多小朋友起度笑啊玩啊,幼儿园又见到白衣长发女鬼啊,夜晚去某一个比较偏僻噶镇区等我朋友个阵,起周围冇人噶情况下有人起外面拉我地车门啊~又试过话初中个阵我同我闺蜜半夜煲电话粥,佢突然问我系咪我妈咪闹我,佢话听到我隔离有人话"咁夜仲起度讲电话!"..真系好多..
然后就系我妹,我觉得我妹个系比较刺激的,毕竟太具体,而且一日三次~
有日日头我同我妈去行1+1,突然接到我妹电话,崩溃大哭啊,叫我地快d翻屋企,然后先知道咩事。我地电脑桌面系黑色背景,可以反映出后面噶事物,后面就系一堵白墙,冇其他也,所以只要有咩行过都可以睇得好清楚...
我妹早上打机噶时候起电脑桌面度见到后面有个黑色长发,白色长裙噶女人企起后面,冇五官,在此之前佢系拉埋佐窗帘的(房度有2个大窗并排,分两个窗帘,佢两个都拉了),因为晒,然后佢见到个阵以为自己睇错,刷新了一下就唔见了个只也,佢就去拉开其中一扇窗个窗帘继续玩。
中午个阵佢起电脑度睇视频,窗帘个阵系开住的,一个系拉住的,佢突然好似觉得后面有个人影,佢已经有点慌了,犹豫了一阵佢转头睇后面,后面冇人,然后佢就起身将另外一个窗帘都拉开埋。
到了下午三四点,佢觉得真系好猛太阳,就将两个窗帘都拉了。。拉了。。。。继续玩电脑,然后只也又出现了,我妹当时就知道,今次系真的了,绝对系起后面了,当下佢全身开始震,发抖,佢觉得可能都系心理作用,然后合埋眼,等了几秒,再张开,一睇,只也仲起后面。。系瞪住佢(一开始我妹话冇睇到有五官的,后面就见到对眼了,冇口鼻,对眼也冇眼珠,只有眼白),我妹即刻低头爆哭,耳边一直嗡嗡响,响了4~5分钟吧,我妹鼓起勇气摞屏幕隔离个电话打电话我地叫我地返屋企,打完电话唔小心又睇到屏幕,个只也依然系后面,唔知几耐之后我地翻来,我一翻屋企就冲上楼稳我妹了,我妹话我一上楼只也就唔见,期间佢感觉到有水滴滴起佢肩膀,佢着背心所以感觉好清晰,而且确定唔系佢自己d眼泪,但系佢摸自己肩又冇湿到,我妹口述噶时候真系恐怖太多了,我转述嘅尼段文字真系唔多恐怖..嘻嘻嘻
其实个人超级中意鬼片,去鬼屋之类的我都唔惊的,其他女仔尖叫噶时候我都系一脸白眼,以前初中夜晚仲会自己一个起厅度睇鬼片,不过宜家遇得多了,都冇咁勇了...希望以后唔好在遇到啦,haaaa
7

路过

无奈

同意

1

无言

激气

刚表态过的朋友 (8 人)

发表评论 评论 (94 个评论)

回复 微信用户 2018-7-9 11:57
介绍个蓝魔给你,做翻场法事
回复 omg. 2018-7-9 11:59
微信用户: 介绍个蓝魔给你,做翻场法事
哈哈哈 我妈咪都想稳人来屋企睇下或者去问下
回复 微信用户 2018-7-9 13:53
好恐怖😥 😥 😥
回复 鸭ss 2018-7-9 15:15
啧啧 ....好想继续听
回复 ms小林 2018-7-9 15:19
好逼真。。。。左眼见到鬼
回复 小嫜子 2018-7-9 15:21
睇到几过瘾
回复 cambychen 2018-7-9 15:22
我看到“男性黑影浮高”就不敢看下去了......
回复 小草SAMA 2018-7-9 15:25
  
回复 omg. 2018-7-9 15:28
鸭ss: 啧啧 ....好想继续听
其他冇细讲嘅都是小事了,好似以前去泰国玩又住到猛鬼酒店,不过遇到的只是厕所自己冲水诸如此类,唔系好具体就费事发了
回复 omg. 2018-7-9 15:28
ms小林: 好逼真。。。。左眼见到鬼
当然逼真呀,因为都系真实遇到
回复 omg. 2018-7-9 15:28
cambychen: 我看到“男性黑影浮高”就不敢看下去了......
冇你想象中咁恐怖啦~
回复 omg. 2018-7-9 15:29
小嫜子: 睇到几过瘾
  
回复 omg. 2018-7-9 15:31
微信用户: 好恐怖😥 😥 😥
最后戈个恐怖少少啦
回复 鸭ss 2018-7-9 15:31
omg.: 其他冇细讲嘅都是小事了,好似以前去泰国玩又住到猛鬼酒店,不过遇到的只是厕所自己冲水诸如此类,唔系好具体就费事发了 ...
想听你后续故事  做法事个d  哈哈
回复 omg. 2018-7-9 15:33
鸭ss: 想听你后续故事  做法事个d  哈哈
我妹遇到个只也之后我妈去问过,话系当时屋企移动过个地主,冇请翻埋位,所以d也就可以自由出入窝~个阵的确系换过地主个位嘅.不过上一排,我爷个墓入伙,d人话因为我妹个年龄还是乜也,要回避,然后我妹个几日一直发噩梦,又梦翻个只白眼噶女鬼了,所以我觉得可能之前个件事同地主无咩关系或者关系唔大
回复 ms小林 2018-7-9 15:35
对,睇到我出怕啦。。。。我好迷信
回复 🐠🌸🌸🐠 2018-7-9 15:45
屋企成日见到呢点野,居然都唔揾人去睇睇,好大胆
回复 197853 2018-7-9 16:02
继续发啊,日头敢睇,夜晚就怕怕的。
觉得你哋内心好强大,貌似唔惊。最后一个睇到有D怕怕的。
回复 omg. 2018-7-9 16:06
197853: 继续发啊,日头敢睇,夜晚就怕怕的。
觉得你哋内心好强大,貌似唔惊。最后一个睇到有D怕怕的。
基本上就咁啦~最后一个系恐怖啊,想象下只有眼白冇五官披头散发嘅人企你后面及实你
回复 omg. 2018-7-9 16:06
🐠🌸🌸🐠: 屋企成日见到呢点野,居然都唔揾人去睇睇,好大胆
有呀,去问过咯,话系因为屋企之前搬过个地主位,冇请翻佢埋位,所以屋企冇人睇,d嘢就可以自由进出窝~

facelist

你需要登录后才可以评论 登录 | 注册

广告服务|联系我们|业务QQ:1410042382 , sysop@oncity.me|Archiver|OnCity 社区网 ( 粤B2-20040775号 )

GMT+8, 2018-10-17 20:14 , Processed in 0.019727 second(s), 10 queries , Memcache On.

Powered by OnCity.cc X1.5

© 2000-2017